Que significa moda personalizada para Saias Ledas?
A moda da marca Saias Ledas case sempre está personalizada. Pero que significa isto? Pois que podes adaptar calquera prenda á túa talle e gustos.
Cada peza de roupa está deseñada por Gloria Barcia e ela mesma confecciónaa. Soen facerse dúas ou tres réplicas, as cales, cando as probas na tenda, poden axustarse un chisco. Esperas un pouquiño e… listo!
Pero que pasa se a prenda que che gusta non está na túa talle? ou non che gusta a cor? ou gústache a tea pero ese escote non che convence…? Pois só tes que falar con Gloria sobre as túas preferencias e ela informarate das teas dispoñibles, o tempo que tardaría en facela…
Imos pór un exemplo!
Na tempada da primavera 2018, unha das saias levaba un estampado de flores con fondo negro precioso. Pronto se esgotou. Máis dun ano depois, no verán de 2019, recordouse ese estampado.
“Teño ganas dunha saia longa, cun estampado coma o daquela saia cruzada do ano pasado”.
Pois resultou que inda quedaba un retal daquela tea e púidose facer a saia que se estaba a imaxinar.
Ambas saias son xeniais e atemporais!
